Мадярьскый еврокомісарь Олівер Варгей повів предсидательці Европской комісії Урсулі фон дер Леєн, же не знав о можливій шпіонажі в европскых інштітуціях в Бруселі, інформовала в понедільок Европска комісія. Тота у четверь оголосила, же пробадать інформації, подля котрых влада мадярьского премєра Віктора Орбана насадила в Бруселі тайных аґентів на здобываня інформацій о інштітуціях Европской унії, і намагала ся здобыти про співпрацу представителя Европской унії. Варгей ся із фон дер Леєн стрітив у неділю. Єден із шпіонів мав робити під утаїньом як діпломат якраз про Варгея. Шефка лібералной ґрупы Обновме Европу Валері Гаєр твердить, же фон дер Леєн має одповідность і власти на то, жебы в тім припаді діяла. Варгей дементовав, жебы будьшто знав о мадярьскій шпіонажі.

(Медвідь, TASR)