Америцькый презідент Доналд Трамп в понедільок на мірнім саміті о Пасмі Ґазы в еґіптьскім місті Шарм аш-Шайх выголосив, же на Близкім выході є конечно мір. Высловив ся так по підписі договору о перемірю в Пасмі Ґазы, котрый підписав вєдно із представителями країн – посередників – Еґіпта, Катару і Турції. Еґіпт му за його намагу уділить найвысшу державну нагороду. Трамп на пресконференції повів, же ся досягло тото, што вшыткы брали за неможливе, мір на Блзикім выході. Додав, же теперь почінать обнова, котра буде за його словами тов найлегшов частьов. Трамп высловив вдяку арабскым і музульманьскым країнам, котры подля його слов у тых намагах помогли. В алфавітнім порядку выменовав державы, котрых представителі брали участь на саміті. Договор, котрый быв підписаный, є подля Трампа комплексный.

(Медвідь, TASR)