x

Одбыла ся перша історічна стіча Русинів з головов штату

00

У четверь 12.9.2019 року ся в просторах Словацького народного музея- Музея русиньской културы в Пряшові одбыла стріча представітелїв русиньскых орґанізацій і інштітуцій з презідентков Зузанов Чапутовов. На зачатку стрічі панї презідентку перед музеём привитала нова директорка музея Люба Кралёва. Темы о котрых ся діскутовало были різны, діскутовало ся о асімілації Русинів, вылюднёваню русиньского реґіону, перспектіві школства, о театрі, і хоснованю языка в церьковній сфері. Презідентка бігом діскузії підчеркла, же оцїнює якы крокы ся в рамках русинькой народностной меншыны зробили а же видить, же мать цїну і перспектіву ся дале розвивати. Подля єй слов конштуктівну діскузію закончіла словами: ,, Єм барз вдячна вшыткым обчаньскым здружіням, културным і навчалным інштітуціям, котры жертвують много енерґії і сили про оброджіня і розвитку русиньской културы і языка, як і штатным і самосправным інштітуціям, котры помагають вытворити простор про розвиток русиньской народностной меншыны.  Їх сполочна робота підпорує розшырёваня слобод не лем про Русинів.”

(Шутіова)