Часть середнїх школ незаповнила в першім колї принимаючого конаня свої напланованы капаціты і голосить вольны місця. На тоты ся можуть приголосити неуспішны чекателї з першого кола. Друге коло принимаючіх екзаменів ся одбуде у вівторок 18. юна. TASR о тім інформовало міністерство школьства. ,,Ку 12.юну наголосили середнї школы высше 7300 вольных місць. Найвеце школярїв бы могли іщі прияти середнї фаховы школы, іде о веце як 2800 місць,” приближыло міністерство школства. За нима в кількости вольных місць наслїдують фаховы учіліштя (702 місць), середнї фаховы школы технічны (648) а ґімназії (522). Надїю мають і школярї, котры хотять штудовати напр. на дакотрім з конзерваторіїв (62 вольных місць), на середнїх шпортовых школах (38), чі обходных академіях (108). Близшы інформації о конкретных школах суть зверейнены на сторінцї школьскых выпочтовых центрів в части вольны місця. (TASR, Шутіова)