Лавку про пішых і ціклістів через рїку Лаборець в Гуменнім у четверь святочно отворили по року робот, верейность ю уж може хосновати. TASR о тім з тискового реферату міста інформовав Маріян Шкуба. Наклады проєкту з назвов Підвышіня містьской мобіліты будованём сїтї ціклістічной інфраштруктуры в містї Гуменне досягли веце як 1,87 міліона евр. Місто го фінанцовало переважно з еврофондів, причім сполуучасть радніцї представляла пять процент. Новый цікломіст спаять Сідліско під Соколеём понад рїку з центром міста. Єднак злегшать переход про жытелїв локаліты Валашківцї або зо села Ясенів. Ёго цїлкова довжка є 87,5 метра а шырька 6,05 метра. О ёго подобі вырїшыли жытелї Гуменного посередництвом верейной анкеты.

(TASR, Шутіова)