Інтересом Мадярьска є цівілізована сполупраця меджі Выходом і Западом. Увів то днесь в статусі опублікованім на Facebooku шеф мадярьской діпломації Петер Сзіййарто перед одлітом на 30-ту міністерску раду Орґанізації про безпечность і сполупрацю в Европі  (OBSE), інформує  о тім справодайся  TASR в Будапещі. Україна і побалтскы країны до северомацедоньской метрополы невышлють своїх міністрів заграничных справ, протоже шефові російской діпломації Серґейові Лавровові была доволена участь на споминаній раді. Міністры OBSE ся в Скопйе стрітавають  вчасі днешнього і завтрашнього дня. Сусідня Булґарія уж ознамила, же про летадло з російсков делеґаційов отворить свій воздушный простор. Іде о діпломатічну выїмку зо санкцій, на основі котрых є про Росію запертый европскый воздушный простор. (TASR, Pkf)