Німецька міністерка внутра Нанцы Фаесерова попереджує на звышене різіко терорістичных атаків в Німецьку в реакції на войну в Пасмі Ґазы. Увела то про днешнє выданя медії ґрупы Redaktionsnetzwerk Deutschland (RND). Інформує о тім аґентура DPA. Як дале Фаесерова повіла, же ісламістічны терорістичных орґанізації, але і єднотливы ісламістічны злочінци фурт представували значне небезпеченство. Война в Ґазі мать подля ньой прямый вплив на безпечностну сітуацію в Німецьку. В посліднім часі німецька федерална крімінална поліція заказала лем на платформі Телеґрам скоро 170 учтів, котры шырили “одпорну антісемітьску і ісламістічну пропаґанду“, приближыла міністерка. (TASR, Pkf)