Америцькый презідент Доналд Трамп у четверь ознамив, же ёго адміністратіва буде робити на тырвалім позаставлїню міґрації зо ,,вшыткых країн третёго світа“, жебы ся америцька сістема могла цалком зотавити. ,,На все позаставлю міґрацію зо вшыткых країн третёго світа, жебы ся америцька сістема могла цалком спамятати…одстраню каждого, хто не є про Споєны штаты приносом або не є способный любити нашу державу,“ выголосив Трамп на своїй соціалній сїтї. В прыспівку тыж ознамив зрушіня федералных дотацій про людей, котры не суть обчанами США, а погрозив депортаціёв тых, котры державу огрожують або ,,не суть компатібілны зо западнов цівілізаціёв“.

(TASR, Шутіова)