Говорця Кремля Дмітрій Песков в пятніцю рано про пресову аґентуру TASS потвердив, же російскый презідент Володимир Путїн пізнїше в тот самый день прийме в Москві мадярьского премєра Віктора Орбана, пише TASR. ,, Гей, можеме то потвердити,“ одповів Песков на вопрос аґентуры TASS. Темами роковань бы мали быти додавкы російскых енерґетічных суровин до Мадярьска і можности рїшіня войны на Українї. Обран у відеу на соціалній сїтї Фейсбук передтым увів, же до Москвы іде роковати головно о додавках енерґетічных суровин. Мадярї подля нёго платять за палива найнизшы цїны в Европі, затоже ,,мають приступ ку тунїй російскій ропі і ґазу“. Коло вопросу, ці буде з Путїном роковати і о войнї на Українї, Орбан увів, же ,,ся тому дать тяжко выгнути“. Мадярьскый премєр в минулости выголосив, же бы хотїв ожывити план ,,мірового саміту“ в Будапешту. Быв приготовлёваный концём того рока, але не одбыв ся.

(TASR, Шутіова)