Лідерка Шкотской народной партії (SNP) Ніцола Стурґеонова в неділю варовала британьского премєра Боріса Йонсона, же Британія небуде способна утримати Шкотско як часть Споєного кральовства против його волі. В дебаті про справодайску компанію BBC Стурґеонова выголосила, же успіх єй партії у общіх вольбах, котры ся одбыли в четверь, єй давать мандат на зреалізуваня нового референдума о незалежности Шкотска. Єдночасно підчеркла, же як є Йогнсон пересвідченый, же Шкоты хочуть зостати частьов кральовства, мав бы їм дати можность высловити ся к даній темі. (TASR, Pkf)