x

Ближше про договор о продаї културной памяткы в Новоселиві

00

Перед недавном масмедіями перелетіла справа о тім, же Народну културну памятку в Новоселиці чекать реконштрукція. Постарать ся про то Розглас і телевізія Словеньска (RTVS) із резіденціов в Братіславі, котра купила споминану хыжку. Што было цільом даной продажі о тім нам уж ближше повів староста села Василь Дініч, „по перше, мушу повісти, же ту неіде о дословный продай споминаной хыжкы. По друге, єм рад, же єм найшов такого доброго інвестора, котрый є охочій до такого будинку інвестовати і  будуть то немналы фінанції. Тырвало нам шість років, покы сьме ся з властниками хыжкы договорили. Нажаль з властниками землі ся тото уж неподарило. Три ары землі, котры суть під хыжов, мають днесь 78 властників. А інвестувати до такой негнутельности, де неє під ньов земля выспорядана,  нихто нехотів. Но прецік, РТВС мала фурт інтерес о тоты хыжу. Прийшли сьме сполочні на спосіб, як даный проблем вырішыти. По нашых кроках з властниками хыжы, сьме ся мы, село, насамый перед стали властникоми хыжы а потім по їднаню з  РТВС сьме  ю продали  за сто евра. На основі згоды нашого сельского заступітельства сме продали потім потрібну часть  сельской землі  РТВС, абы хыжка ся могла з єдного боку перенести з приватной землі на нашу а з другого боку абы хыжа зостала і надалей в нашім селі. То было єдно з найосновнішых условій нашого сполочного договору. По перенесіню хыжы РТВС потім забезпечіть реконштрукцію даной културной памяткы. РТВС буде фінанцоувати і єй перенесіня. То буде лем пару метрів од актуалного місця хыжы. Село, насправды бы то немало ніч стояти.“  (Pkf)

Прочітайте собі / Pročitajte sobi