На меншых водных токох в окресї Снина жыє веце бобрів водных, як перед пару роками. Зістили то робітницї Справы Народнёго парку (НП) Полонины при лоньскім і тогорочнім моніторінґу. Покы бігом попереднёго позорованя в рокох 2014 і 2015 на нім зазначіли знакы жывота 21 бобрых колоній, актуално їх там жыє 28. Єдна родина бобрів ся складать в пріемері зо штирёх а пів екземпларів. В моніторованых теріторіях Сниньского окресу ся зато дасть передпокладати появлїня 112 аж 140 екземпларів. Годнотячім крітеріём моніторінґу суть такзваны побытовы знакы актівіты бобрів, огрызы, засобы, норы, грады чі полограды і перегороды.

(Шутіова, КORZÁR)