Лїкарї з ініціатівы Лїкарї наголос вызывають премєра Роберта Фіца (Smer-SD), жебы безодкладно прияв крокы ведучі ку одкликаню уповномоченого влады про преверіня процесу ряджіня і менежованя здроїв протягом пандемії COVID-19 Петра Котлара. Уповномоченого скрітізовали за пошырёваня похыбностей в области верейного здравя і підкопаваню довіры в медіціну заложеній на доказох. TASR o тім інформовала Ела Деканкова з ініціатівы. Скрітізовали Котларове выражіня о тім, же кров людей очкованых проти захворіню COVID-19 є непоужытельна. ,,Поважуєме за невыгнутне упозорнити, же іде о неправдиве тверджіня. Іде о гоакс, котрый є в прямім розпорї з науковым познанём і прінціпами модерной медіціны. Окрем того кров дарців не мож спетнї розлишыти подля того, ці были або не были очкованы,“ підкреслили.

(TASR, Шутіова)