Голосуваня о пропозиції на высловіня недовіры владі ся посувать на завтра 15-го децембра на 17.00 годину. Депутаты Народной рады одобрили процедуралну пропозицію председы посланецького клубу  OĽANO Міхала Шіпоша. Арґументовав то потребов вытворити простор на їднаня о рішеню взникнутой крізы вєдно можности волеб. Председа парламенту Боріс Коллар по одобріню пропозиції перерушыв актуалне їднаня аж до терміну голосуваня. Выголосив, же як паде влада, быв бы незмысел пущати ся до голосуваня о штатнім розрахунку на будучій рік. (TASR, Pkf)