Посланці парламенту у віторок одшмарили узнесіня ку поплаткам в здравотництві і недоступности амбулантной здравотной старостливости, котре передложыли посланці за клуб Slovensko, Za ľudí, KÚ. Узнесіньом хотіли посланці завязати міністра здравотництва Каміла Шашка, жебы до трьох днів передложыв парламенту аналізу поплатків і доплатків, котрой выпрацованя задала в марці 2024-го року бывша шефка резорту Зузана Долинкова. Єдночасно мав подля узнесіня до трьох днів передложыти Народній раді СР пропозіцію рішінь, котрыма хоче міністерство одсторонити поплаткову барьєру, котра боронить паціентам в приступі ку вчасній і ефектівній здравотній старостливости.

(Медвідь, TASR)