Шеф словацькой діпломації Іван Корчок уділив в понедільок Золоту плакету америцькій амбасадорці на Словакії Бріджіт Брінковій. Зробив так при нагоді закінчіня їй місії на Словакії. Америцьку діпломатку Корчок оцінив за їй актівный вклад до розвитку словацько-америцькых односин. Анґентуру TASR о тім інформовало комунікачне одділіня Міністерства загранічных діл і европскых справ Словацькой републікы. Як міністер Корчок сконштатовав, Споєны штаты Америкы суть про Словакію стратеґічныма союзниками. Міністер вірить, же америцька амбасадорка спознала на Словакії досправдову ціну і силу приятельства Словакії і їй жытелів, а не зохабила ся при своїй діпломатічній роботі знеохотити проявами вулґарьного антіамериканізму части словацькой опозіції.

(Медвідь, TASR)