Европска унія стоїть по боці Україны, і буде далше додавати їй воєньску, фінанчну, енерґетічну і гуманітарну підпору, выголосила у віторок по приході до Києва шефка унійной діпломації Кая Каллас. Міністры загранічных діл і представителі країн ЕУ ся днесь стрітили на Україні при нагоді четвертой річніці ослободжіня міста Буча спід російской окупації і обявліня дакілько сто трупів забитых людей, інформує аґентура TASR. „Зробиме вшытко про тото, жебы Росія несла повну одповідность за свої злочіны,“ доповнила Каллас. До Києва на неформалне засіданя днесь пришли дакотры шефове діпломацій країн Унії і далшы представителі членьскых держав. За Словакію бере участь посол СР на Україні Павел Віздал.

(Медвідь, TASR)