З нагоды свого 10-го юбілею Фолклорный колектів Рутенія приправив
нове танечно-драматічне выступліня з русиньскых реґіонів під назвов Хырбетом ку горам, котров ся іншпіровав книжков русиньского історіка Павла Роберта Маґочія з Канады, якый буде 4-го юна в Братіславі прямо участный на премєрі колектіву.  Рутенія представить вызначны події першой половины 20-го століття, котры значно овпливнили судьбу Русинів. Рутенія буде свій юбілей славити за участи гостів з културного і сполоченьского жывота, як і  представителів русиньскых орґанізацій із Словакії і заграніча. Покровительство над подійов перевзяла презідентка Словацькой републікы Зузана Чапутова. Фолклорный колектів Рутенія уведе проґрам Хыребетом ку горам, як свою в ряді четверту премєру, 4-го юна о 18.00 г. в Домі културы Зеркаловый гай в братіславскій містьскій части Петыржалка. (TASR, Pkf)