Посланці Народной рады Словацькой републікы у віторок голосовали лем о позмінюючіх пропозіціях поданых ку владній новелі Конштітуції СР. Парламент підпорив позмінюючу пропозіцію, котра обсягує условії KDH і KÚ. В пленумі не перешла пропозіція партії Hlas-SD на выпущіня єдного волебного округу з Конштітуції. О новелі закона бы ся як о цілку мало голосовати аж восени. Кедьже в другім чітаню были схвалены позмінюючі пропозіції, подля порядку засіданя третє чітаня проходить найскоріше на другый день по їх сваліню, кедь парламент не вырішыв іншак. Коаліція уж авізовала, же цілкове голосованя о новелізації Конштітуції СР перенесе на септемброве засіданя, бо новела не має ґарантовану достаточну підпору од посланців. На приятя зміны Конштітуції є потрібных 90 голосів.

(Медвідь, TASR)