Німецько в рамках проходячой ревізії підпоры про Палестінчанів вырішыло увольнити 71 міліонів евр а приобіцяло далшых 20 міліонів евр. У віторок о тім інформовало Міністерство про економічну співпрацу і розвиток, пише аґентура Reuters. Берлін по атаці терорістів руху Гамас із 7-го октобра на Ізраіль заставив дочасно розвиткову поміч палестіньскым теріторіям. Ревізія подля міністерства заміряла ся на продовжіня підпоры Уряду Орґанізації зъєдиненых народів про палестіньскых біженців на Близкім выході в одношіню ку потребам людей в Пасмі Ґазы і ку штораз небезпечнішій сітуації в сусідніх країнах. 91 міліонів евр має іти на забезпечіня основных служеб про выселены особы в Ґазі і на поміч палестіньскым біженцям у Йорданії.

(Медвідь, TASR)