Mадярьскый міністер обороны Кріштоф Салай-Бобровницькый одкрыв у віторок у Годмезувашаргеї на юговыході країны многонародны маневры під назвов Adaptive Hussars 23 орґанізованы з участьов НАТО. Участна была і презідентка Мадярьска а верьховна командантка озброєных сил Каталін Новакова. Іде о найвекшы маневры за попередніх 30 років, повів міністер, котрый підкреслив, же про Мадярьско є найважнішым захованя міру, безпечность Мадярьска і мадярьского народа. До маневрів суть окрім домашніх вояків залучены і вояци з Італії, Турції, Хроватії а Споєных штатів Америкы. Залучіть ся до них і понад 200 тіпів різной воєньской технікы.

(Медвідь, TASR)