Міністры загранічных діл країн ґрупы G7 одсудили в середу додаваня северокорейской зброї до Росії. По розговорах в Токію о тім інформовала гостительска Японія, пише аґентура AFP. Міністры стріктно одсудили повторяне одпальованя балістічных стріл Севернов Корейов, як і трансферы зброї, котру Пыхонъян посылать Москві, што прямо порушує односны резолуції Безпечностной рады Орґанізації зъєдиненых народів. Северна Корея додала Росії понад міліон куль до артілерії, жебы помочі у войні на Україні, причім Пыхонъян за то зъявно дістав підпору при сателітній технолоґії, выходить з даных, котры тот місяць принесла депутатам в Соулі югокорейска тайна служба.

(Медвідь, TASR)