Тісячі людей зышли ся в понедільок в сербскій столиці Белеград, жебы жадати векшу безпечность, заказ насилного обсягу в медіях, і одступліня дакотрых владных представителів по тім, як минувшый тыждень отрясли країнов дві масовы стріляня, котры собі выжадали 17 жертв на жывотах. Протестуючі од влады жадали векшу безпечность в школах і на уліцях. Єдночасно вызвали на одступліня веце представителів включно сербского міністра внутрішніх справ Братіслава Ґашіча і шефа тайной службы Александара Вуліна.

(Медвідь, TASR)