x

Ґайдош хоче рішыти з прокуратуров орґанізацію Slovenskí branci

00

Міністер обороны Петер Ґайдош подав пропозіцію на Ґенералну прокуратуру Словацькой републікы у справі орґанізації Slovenskí branci. Міністер хоче, жебы Ґенерална прокуратура пробадала діялность той половоєньской орґанізації і повіла, ці не є огрожіньом безпечности Словацькой републікы і в незгоді з платныма законами. Ґайдош на вчерашній пресовій конференції в Братіславі акцентовав, же єдинов леґалнов обороннов орґанізаційов Словакії суть Озброєны силы Словацькой републікы.
(TASR)