Шеф російской жолднїрьской Ваґнеровой ґрупы є уж в тім часі в Білорусії. Потвердив то у вівторок білоруськый презідент Александер Лукашенко, інформує о тім аґентура DPA і станіця Sky News. Польскый презідент Андрезей Дуда выголосив, же припрадный пересун жолднїрів російской Ваґнеровой ґрупы до Білорусії є про Польщу неґатівным сіґналом, на котрый бы мав реаґувати цілый блок NATO. Інформувала о тім британьска станіця BBC. Перспектива выбудованя ваґнеровскых баз ці польных таборів на теріторії Білорусії знепокоїла і Лотишско і Латвію, котры вызвали аліянцію NATO, абы посилнила свої выходны границі. (TASR, Pkf)