Староста Ню Йорку Ерік Едамс выголосив, же місто уж не мать про міґрантів місце. Авізовав, же уряды роздають на граніцях США і Мексіка летакы, котры людём рекомендують, жебы ішли інде. Од апріля минулого рока пришло до Ню Йорку веце як 90.000 міґрантів, головно зо Середнёй і Южной Америкы. ,,Наш погар терпезливости в подстатї перетїк. В містї уж не маме місце,” повів Едамс на тисковій конференції. Подля урядів жыє в утулкох або готелох, котры платить місто, скоро 106.000 людей враховано приближно 54.000 міґрантів.  Летак в анґлицькім і іспаньскім языку буде варовати жадателїв о азіл, же бываня в Ню Йорку буде ,,барз дороге“ а наклады на їдло, транспорт і далшы потребы ,,суть найвысшы в Споєных штатах“. ,,Не єствує жадна ґаранція, же новым переселенцїм будеме мочі додати обыстя і службы. Прошу, зважте інакше місто, кедь будете рїшати, де в США зостати,“ пише ся в летаку.

(TASR, Шутіова)