Уряды в хорватьскім головнім містї Зaгрeб ся намагають боёвати проти інвазівным азійскым комарiм незвычайным способом. Вырїшыли, же протягом лїта выпустять довєдна 100.000 самцїв комарів без репродукчных способностей, дякуючі котрым бы ся мала популація небезпечного другу того гмізу понижати. У четверь то увела аґентура AFP, інформує о тім TASR. Тот пілотный проєкт загребской містьской самосправы є напряменый на понижаня кількости інвазівного азійского комара тіґрованого, котрый є переношачом хворот як горячка денґуi ці вірусів зіка і чікунгуніа. Праві комарiм тіґрованым ся в остатных роках в Хорватії міморядно дарить. З найвекшов правдеподобностёв іде о дослїдок кліматічной зміны, кедьже высшы теплоты додавають тому інвазівному гмізу лїпшы условія на розмножованя.

(TASR, Шутіова)