x

Себастіян Курц в Києві

00

Україньскый презідент Петро Порошенко чує Австрію як барз надійного партнера свойой країны. Так тому є і наперек подраждіню, котре на Україні выкликала недавна участь россійского презідента Владіміра Путіна на свадьбі шефкы австрійской діпломації Карін Кнайсловой. Выходить то зо слов найвысшого україньского представителя, котре вчера зазвучало в Києві на сполочній пресконференції з австрійскым сполковым канцеларом Себастіяном Курцом. „Сьме пересвідчены, же ани чемпіонат світа у фотбалі, ани свадьба недокажуть заставити россійского аґресора,“ выголосив то у тім звязку Порошенко і додав, же так може зробити лем коордінованый підхід, котрый демонштрує спільно із своїм приятельом, шефом австрійской сполковой влады.
(ТАSR, Кімак-Фейко)
Фото: TASR/AP