Уж 27-ый річник літературного фестівалу войводиньскых Русинів під назвов Костельникова осінь тот рік з прічіны пандемії буде проходити онлайн. Вырішыв о тім орґанізачный комітет фестівалу. Інформувала аґентура Рутенпрес. Фестівал буде тот рік проходити почас трьох днів од 10-го аж до 19-го децембра і буде го мож позерати на фанпеджі Дому културы Руськый Керестур на сіті Facebook. Як інформує Рутенпрес, 10-го децембра буде презентувати ся література про діти, 18-го децембра будуть знова представены книжкы прозы і поєзії про дорослых в авторстві Юліяна Тамаша, Славка Виная, Славка Романа Ронда, але онлайн публіка буде мати можность познакомити ся із выданьом історічных текстів Гавриїла Костельника. Третя часть літературного фестивалу, котра буде в онлайн высыланю 19-го децембра, буде присвячена молодежи і їх выданям. (ЛЕМ.фм, Пкф)