Сестры і породны асістенткы в уставній здравотній старостливости достануть в тім році стабілізачну поміч. Выходить то з новелы закона о давательові здравотной старостливости і управы многых далшых законів, котру схвалив парламент як позмінюючу пропозицію к новелі закона о банках, котру у вівторок підписав презідент СР Петер Пеллеґріні. Управа дефінує условія, котры мусять сестры і породны асістенткы сповнити, жебы мали на поміч право. Наприклад, робочій обовязок  їм в призначеных інштітуціях мусить взникнути до 28-го фебруара. Цілково вышка помочі ся становить на найвеце 3000 евр. (TASR, Пкф)