Словеньского премєра Роберта Фіца прияв вчера у Відні австрійскый сполковый канцелар Крістіан Стокер. На їднаню ся згодли, же сполочным цільов обідвох країн є міцнa, стабілна і безпечна Европска Унія. Ішло о їх першу білатералну стрічу. Пресаґентуру TASR о тім інформовав пресовый і інформачный одбор Уряду влады СР. Подля председы влады СР, односины меджі Словакійов і Австрійов суть успішным прикладом сполупраці, котрый тырвать уж веце як три десяткы років. Австрійскому канцеларові ся подяковав за отвореность і партнерьскый приступ. „Словакія собі важыть приятельскы односины з Австрійов. Маме інтерес продовжовати в розвиваню пригранічных проєктів, наприклад в области транспортной і енерґетічной інфраштруктуры ці в справованю захранных здравотных служб,“ увів Фіцо. (TASR, Pkf)