Україньскый міністер загранічных діл Андрій Сибіга в понедільок оголосив, же Україна є приготовлена підпорити пропозіцію на „довгодобе, тырвале і цілкове переміря“ на період найменше 30-ох днів. Сибіга так, статусом на соціалній сіті X, коментовав выголошіня російского презідента Владиміра Путіна, же Росія од 8-го мая на три дні заставить свої воєньскы операції на Україні. „Покля хоче Росія мір, мусить безодкладно заставити пальбу,“ написав Сибіга і положыв вопрос, чом ся має чекати до 8-го мая. На Путінову пропозіцію уж зареаґовав і Білый дім. Його говоркыня Каролін Леавіттова припомянула, же презідент Доналд Трамп дав ясно знати, же хоче на Україні тырвале, не дочасне переміря. Додала, же Трамп штораз веце є неспокійный з Путіном і з україньскым презідентом Володиміром Зеленьскым і думать, же бы обидвоми мали сісти за стіл переговорів.

(Медвідь, TASR)