Пряшівскый самосправный край і Уряд высокого комісаря Орґанізації зъєдиненых народів про біженців підписали Меморандум о порозуміню. Офіціалным документом сформалізовали свою співпрацу в области охраны біженців, але і зранительных ґруп населіня і молодежи, і обовязали ся єй далше розвивати. Єдночасно тым надвязали на попередні актівности, котры были концентрованы на поміч україньскым біженцям. Цільом меморандума є посилнити співпрацу меджі сіґнатарями в области охраны і зачленіня примушено выселеных особ, котрыма суть жадателі о азіл і біженці, а так само особ без гражданства, але і в области додаваня служеб тым особам. Сіґнатарі хотять так само підтримовати містны комуніты, і розвивати з нима комунікацію в темі соціалной соналежности і інтеґрації. Рахує ся з вымінов інформацій і скушеностей ці реалізаційов діл заміряных на будованя капаціт в тій области.

(Медвідь, PSK)