Ку зомкнутю вшыткых мадярьскых опозічных партій до парламентных волеб 2022-го року вызвав експремєр Ференц Дюрчань. Зробив так в неділю на зъїзді свойой опозічной партії Демократічна коаліція. Дюрчань повів, же опозіція мусить в інтересі поражіня владной партії Fidesz премєра Віктора Орбана поставити сполочного кандідата на премєра, сполочный кандідачный список і в індівідуалных волебных округах і сполочного кандідата. Інформовала о тім інтернетова сторінка комерчной телевізії АTV. І кедь подля Дюрчаня існують знакы, же його партія є найміцнішов опозічнов партійов, ведучов силов є подля нього сполочна намага вернути Мадярьско на путь европской републікы і демокрації.

(Медвідь, TASR)