Презідентка Зузана Чапутова в понедільок діскутовала в Презідентьскім палаці з премєром Едуардом Геґером о актуалній сітуації в безпечностных силах. В рамках той темы стрітила ся і з председом партії Smer-SD Робертом Фіцом. На плані має далше стрічу з председом парламенту і руху Sme rodina Борисом Колларом, як і лідером мімопарламентной партії Hlas-SD Петром Пеллеґріні. TASR о тім інфомровав говорця презіденткы Мартін Стріжінєц. Подля говорцю на стрічах голова державы бісідовала і о тім, як успокоїти сітуацію на Словакії. Темов їднаня презіденткы з председом влады была і сітуація коло пандемії хвороты COVID-19. Стрічі з премєром і председом опозічной партії Smer-SD одбыли ся лем день перед выступліньом презіденткы в пленумі парламенту зо Справов о стані републікы.

(Медвідь, TASR)