По договорі залученых стран ся друге коло тристоронных дебат меджі высланцями Росії, Україны і Сполученых штатів о заставліню войны на Україні зачне в Абу Дабі в середині тыждня. Інформує о тім аґентура TASS. Зо зачатку мали ся дебаты одбыти в неділю (1-го фебруара). Хоч прічіна одложіня їднань не была офіціално пояснена, денник The New York Times поуказав на то, же ся так стало по стрічі выняткового высланця америцького презідента Доналда Трампа Стіва Віткоффа з вынятковым высланцьом російского презідента Владіміра Путіна Кіріла Дмітрієва, котры ся зышли в суботу (31-го януара) в Маямі на Флоріді (Сполучены штаты). Україньскый презідент Володимир Зеленьскый уж перед тым ознамів, же далше коло їднань буде в метрополі Сполученых арабскых еміратів (SAE) 4-го і 5-го фебруара. (TASR, Пкф)