В середу 4-го фебруара собі і Чехы жыючі в Словакії припомянуть День Чехів в заграничі. „Свято краянів припоминать 4-ый фебруар 1628-го року, кідь з Чехії одышов з причіны неслободы найзнамішый ческый екзулант Ян Амос Коменьскый,“ припоминать портал cesi.sk, найдовше фунґуючій сайт ческой націоналной меншіны в Словакії. Вєдно попереджує, же о датумі краяньского свята вырішыв результат інтернетовой анкеты, котру в році 2020 ініційовав тогдышній ческый міністер загранічных справ Томаш Петрічек. „За 4-ый фебруар голосувало в анкеті найвеце, 42 процент респондентів,“ додав портал cesi.sk. Влада Ческой републикы схвалила офіціалный датум Дня Чехів в загранічу в половині фебруара 2021-го року. (TASR, Пкф)