Лідеры членьскых держав Европской унії в понедільок пізно вечур на міморяднім саміті в Бруселі договорили ся на запроваджіню часточного ропного ембарґа односно Росії. Інформацію принесла аґентура Associated Press. Ембарґо є лем на ропу, котра привозить ся через море. Позволили ся дочасны выняткы про додавкы посередницьтвом роповоду. Унія односно Росії од зачатку інвазії на Україні уж прияла пять пакликів санкцій. Членьскым країнам дотеперь не подарило ся договорити на компромісі про приятя шестого паклика санкцій, котрый дотулять ся довозу російской ропы. Проти той пропозіції войовало головно Мадярьско, припоминать аґентура. Новый договор односить ся на дві третины ропы, котра приходила з Росії. Довоз через роповод Дружба зістав затля позволеный.

(Медвідь, ТASR)