Міністерство културы СР выголосило вызву на передкладаня пропозіцій на лавреатів Цїны міністеркы културы СР за рік 2022. Оцїнїня удїлять за вынятковый принос в области уменя, за вынятковый принос інштітуцій в области културной дїдовизны або културно-освітовой дїялности і за довгодобый або цїложывотный принос в области културы. ,,Писомны пропозіції кандідатів в припадї номінацій за область културной дїдовизны або културно-освітовой дїялности мож передложыти до 28. фебруара, в припадї катеґорій за вынятковый принос в области уменя і довгодобый або цїложывотный принос в области културы до 20. марца,“ інформовав резорт културы. Номінації в єднотливых катеґоріях посудить одборна порота, одовздаваня цїн ся одбуде в першій половинї септембра.

(TASR, Шутіова)