Сполочность Дусло Шаля достала дозволіня на ход новой выробні Амоняка 4 до пробной выробні. Зачаток з выробов зачав праві днесь. “Як ся ніч выразно незмінить, першый амоняк бы мав з новой выробні выйти в марці того рока,“ сконштатував ґенералный директор Дусла Петер Блага. Як далі увів: “ В рамках групы Аґроферт і в рамках Дусла є то гісторічно найбівша інвестиція і одважу собі твердити, же і довгочасово то буде найбівша інвестиція. Капаціта ся звышыть з днешніх 1300 тон на 1600 тон амоняку денно, што є о 20 процентів.“ На выставбу новой выробні окрім властных заінвестованых 310 міліонів евр достала сполочность і штатну поміч. Даньовы злівы у высшкі 58 міліонів евр одобрила і Европська комісія як реґіоналну поміч. Фірма ся завязала, же 10 років по зачатю выробы новой выробні непонижыть чісло робітників Дусла під 1800 людей.
(TASR)