Україньскы біженці, котры ся в Чехії добрі інтеґровали і суть економічно незалежны, будуть мочі здобыти шпеціалне довгочасове перебываня, котре буде платити пять років. Приказ міністерства внутрішніх діл в середу одобрила чеська влада. Подля резорту бы ся новинка могла дотуляти тісяч, максімално десяток тісяч Українців. Решта буде мати надію мочі хосновати інштітут дочасной охраны, інформує о тім справодайкыня TASR. Тоты, котры будуть мати новый тіп перебываня здобудуть подля міністерства векшу істоту і стабіліту, бо на розділ од традічных дворічных довгочасовых віз буде тото перебываня платити пять років. Успішны жадателі будуть мати вольный приступ на рынок роботы і не будуть мусіти абсолвовати адаптачно-інтеґрачный курс. Чеськый ресорт внутрішніх діл підчеркнув, же режім є призначеный лем про особы, котры не жадають гуманітарну поміч штату. (TASR, Pkf)