Словакія  спріснила опатріня. Од днешнього дня суть рушка повинны скоро вшады, обмеджують ся превадзкы, як наприклад природны і умелы купаліска, аквапаркы, велнес, театралны, музичны, філмовы ці іншы умелецькы події. Заказують ся вшыткы громадны акції з участьов над шість особ. Обходы потравин і дроґерії мусять в понеділок аж до пятниці выділити про сеніорів над  65 років час накупу – од 9.00 год до  11.00 год. Діють і выїмкы. Заказ неплатить наприклад про обряды крещіня собаша і похорону, вєдно їх цівілных верзій. Заказ ся неодносить на засіданя, порады орґанів верейной мочі і їх порадны орґаны, далше засіданя, їднаня і іншы події, котры ся одбывають на основі закона, тыж на вольбы при дотриманю призначеных условій. (TASR, Pkf)