x

Выстрага третього ступіня перед заплавами діє днесь про десять окресів.

00

Выстрага третього ступіня перед заплавами діє днесь од рана на Словакії про десять окресів. Інформує о тім Словацькый водогосподарьскый подник на своїй інтернетовій сторинці. Про многы дальшы реґіоны діють выстрагы першого і другого ступіня. Выстрага третього ступіня ся дотулять окресів Скаліца, Сеніца, Топольчаны, Партізанске, Бановце над Бебравов, Пріевідза, Ревуца, Рожнява, Кошіце околіе – Горнад і Левоча. З выдатныма опадами треба рахувати днесь главні в пообідняйшім часі. (TASR, Pkf)