В Каштелю Шередія із 16-го столітя зрядить село Зборів в окресі Бардейов музейну експозіцію. Буде присвячена Маковіцькому панству, але і културі Русинів. Обєкт быв у минулости хоснованый як уряд лісной справы. У 1969-ім році каштель выгорів, одвтогды будова ішла до занепадку, кедьже не зробила ся нова стріха. Перед семома роками з ініціатівы Здружіня на захрану Зборівского замку і села подарило ся зробити нову стріху. З проґраму черезгранічной співпраці Interreg V-A Польща – Словакія 2014 – 2020 село здобыло фінанції на проєкт з назвов Забыта країна Лемків і Руснаків. Цільом є реконштрукція каштеля, котру моментално реалізують. Хотіли бы там зрядити музейну експозіцію присвячену Маковіцькому панству, але головно лемківско-русиньскій културі. Так є конціпованый проєкт, інформовав староста Зборова Ян Шуркала з тым, же іде о сполочный проєкт Зборова, Кружльова і Устя Ґорлицького.

(Медвідь, TASR)