Северокорейскый вождь Кім Чонґ-ун в септембрі планує стрітити ся з російскым презідентом Владиміром Путіном в повязаню з доїднаньом додавок далшой зброї про російску аґресію на Україні. Інформовав о тім в понедільок денник New York Times. Кім Чонґ-ун подля денника піде озброєным влаком із Пхонъяну до Владивостока, де ся з Путіном стрітить. Неменованы джерела твердять, же бы міг іти аж до Москвы. Путін хоче подля джерел денника доїднати з Кімом додавку ґранатів артілерії і протитанковых стріл. За тото бы Росія запропоновала Северній Кореї модерну технолоґію про сателіты і понурны шыфы на ядровый погон.

(Медвідь, TASR)