Села і міста в Пряшівскім краю, котры бы хотіли в своїм катастрі выбудовати притулкы, выглядковы вежы ці стояны на біціґлі, можуть ся іншпіровати крайсков самосправов. Тота выпрацьовала через Справу і утримованя драг Пряшівского самосправного края (ПСК) каталог елементів дрібной архітектуры і дальшого выбавліня про властны цілі, поужыти го можуть і дальшы самосправы. Пресаґентуру TASR о тім інформовала Леа Леготьска з одділіня комунікації Уряду ПСК. Цілый матеріал є вольні доступный на інтернетовім сайті краю в рубріці Уряд ПСК – Оділіня стратеґічного розвоя. Села і міста собі го можуть стягнути безплатно і поужыти про властны цілі. (TASR, Pkf)