Председом нижньой палаты польского парламенту – Сейму – став у понедільок кандідат прозападного блоку Шымон Головня, інформує аґентура PAP. Головня є бывшый телевізный модератор, котрый основав патріотічну центрістічну партію Третя драга. Подля порталу TVN24.pl повів, же парламент має теперь барз ясну задачу доказати, же люди не зробили хыбу, кедь 15-го октобра, в день волеб, стояли в довгых шорах перед волебныма пунктами. Авізовав, же Сейм під його веджіньом не буде автоматом на голосованя, ани далшов аренов польско-польской войны. Додав, же в Польщі знова стане найважнішым словом патрія, а не партія.

(Медвідь, TASR)