Лідер сепаратістічного Нагорного Карабаху Самвел Шаграманйан днесь роспустив до кінця рока вшыткы штатны інштітуції. Выголосив тыж, же републіка Нагорный Карабах од 1-го януаря 2024 “переставать існувати“. Інформувала о тім аґентура AFP. Шаграманйан днесь підписав приказ о дальшых крокох выходжаючіх зо сітуації взникнутой по 19-ім септембрі, кедь азербайджанскы часті приступили в Карабаху к “локалным протитерорістічным опатріням“ проти арменьскым формаціям. Жытелі і уряды в Карабаху інформували о масівнім острілюваню. Арменско ознамило, же в Карабаху не є ниякый арменскый воєньскый персонал. (TASR, Pkf)