x

Пряшівскый край мать уж веце як 1320 школярїв в дуалнім навчаню

00

Пряшівскый самосправный край мать в дуалнім навчаню уж 1326 школярїв середнїх одборных школ. В проходячім школьскім роцї ся до нёго в краю запоїло аж 473 першаків. Найвеце з них є з економічных одборів а в области обходу а служеб. Кількость заместнавателїв в сістемі дуалного навчаня є актуално 257. TASR о тім інформовала говоркыня ПСК Даша Єленёва. Як повіла, інтерес о дуалну сістему навчаня в краю за період пятёх років підроснув аж пятьнасобнї. З цїлковой кількости штудентів запоєных до сістемы є 1046 зо школ, котры зряджує пряшівска крайска самосправа. Найвеце школярїв є в окресох Пряшів, Попрад і Бардеёв. Наслїдують Стара Любовня, Кежмарок і Гуменне. Розбігають ся і у Воронови над Топлёв, Свіднику, Сабінові ці Снинї.

(TASR, Шутіова)