Днесь по двох місяцях літніх вакацій знова одкрыли ся двері основных і середніх школ. Школскый рiк 2025/2026 зачав про понад 530.000 школярів основных школ і понад 220.000 школярів середніх школ. До лавок першый раз сіло коло 62.400 першокласників. Про пресаґентуру  TASR то увели з Міністерства школства, дослідженя, розвoя і молодежі СР. В новім школскім році од септембра перейде скоро половина основных школ на новый школскый едукачный проґрам, і так ся прилучать ку курікуларній реформі. Дале платить заказ хоснованя мобілных телефонів про молодшых школярів. Новинками суть знова запроваджiня піврічных вакацій ці зміны в сістемі выправдованя вымешканых годин. (TASR, Пкф)